السلام عليكم ورحمة الله وبركاته ...
أزيكم جميعا يا جماعه ؟ أسأل الله أنه يرزقنى وإياكم الأخلاص فى هذا
الأمر وأنه ييسره
أنا طالبه مساعدتكم جميعا وبصوره عاجله جدااااااااااا
اقولكم دلوقتى أيه الموضوع
حاله أنسانيه جدااااااااا محتاجه نقف جنبها ونساعدها
بنوته جمييييييييله عمرها لا يتعدى 4 سنوات تشبه الشمس وهى منوره البنت دى يا جماعه هاتعمل عملية صمام قلب ... طب فين المشكله؟
ركزوا معايا بالله عليكم
النهارده وأنا ف المترو قدرأ لاقيت واحده ست طلعت وشايله طفله جميله جدا ما شاء الله وصغنونه جدا ونايمه على كتفها وطلبت مساعده أو أى واسطه عشان بنتها تقدر تعمل العمليه بصراحه أفتكرتها حاجه عاديه من اللى بقينا متعودين عليها ف المترو لكن الست كانت شايله أوراق ومش هاممها انها تاخد مساعده ماديه أد ما تاخد مساعده من نوع تانى أو واسطه فحسيت انى لازم أقوم أروح أعرف ايه الحكايه بالظبط وأفهم أزاى أقدر أساعدها .
وبالفعل قمت ورحت قعدتها وقعدت جنبها وأخدت عنوانها وبيانات البنت والقصه كالآتى :
البنت محتاجه لعملية صمام قلب زى ما قلتلكم هاتعملها ف شهر يوليو ف معهد ناصر مع طبيب أسمه محمد عبد الرحمن هايوصل من أمريكا بعد أيام ، الست جابت قرار بعلاج البنت على نفقة الدوله لكن كانت المشكله ف الصمام اللى هى هاتشتريه وتمنه ( حسب كلامها والله أعلم ) 7 آلاف جنيه وباقيلها على تمنه 1200 جنيه هى بتحاول تدبرهم
طب ايه المطلوب دلوقتى
أولا الدعاء وبشده للبنت دى ( بسنت ) بالشفاء ولكل مرضى المسلمين والدعاء بتيسير هذا الأمر وان ربنا يكرمنا ويقدرنا نعملها أى حاجه
ثانيا محتاجين تبرعات يا جماعه فاضل 1200 جنيه على باقى تمن الصمام ده غير لسه تكاليف العلاج بعد العمليه
وأخيرا محتاجين ضروى جداااااااا طبيب قلب يتابع البنت بعد العمليه وطبعا يتابع الحاله لوجه الله
يا جماعه حاولوا بقدر المستطاع تنشروا الموضوع وتجمعوا تبرعات وأى حد يحب يساعد يبعتلى على الميل أو يتصل بيا
0127723238
وجزاكم الله خيرا
اللهم أرزقنا الإخلاص ... اللهم أرزقنا الأخلاص ... اللهم أرزقنا الإخلاص
السلام عليكم ورحمة الله وبركاته
رضوه جمال(منتدي 15 مايو)
الجمعة يونيو 01, 2007 2:44 pm