يا ريت اللي جري ما كان

إلى كل المطحونين و المطحونات
الغلبانين و الغلبانات
الطبيبين و الطبيبات
إليكم أهدى هذه المرثية

قالوا هم الثانوية العامة خلاص انزاح
و كل أيامنا بعد كده هتبقى أفراح

على مكتب التنسيق رحنا و قلنا استوب
مجموعنا علمى و كبير يبقى كلية الطب
يا ريت اللي جري ما كان 35

لبسنا اللى ع الحبل و كوينا البالطو
مكناش نعرف إن الحكاية كلها فالصو
يا ريت اللي جري ما كان 02

قلنا كلها 7 سنين و ناخد البكالوريوس
و نبقى دكاترة كبار و معانا فلوس
يا ريت اللي جري ما كان 22

لكن الحقيقة المرة كانت من أول يوم
و العلم فى الكلية جامد زى الدوم
المحاضرة الأولى كانت فسيولوجى و بعدها تشريح
و الكل ساكت و مندهش 3 ساعات تتنيح
يا ريت اللي جري ما كان 25

يا ساتر يا رب كل دى عضلات
و خلايا بالطول و العرض عاملين شقلبظات
يا ريت اللي جري ما كان 20

و لمدة شهرين و إحنا جزارين ضفادع
و ألف نفر ع الجثة بتعد فى الصوابع
يا ريت اللي جري ما كان 34

و كله كوم و طلاسم الكيميا دى كوم تانى
و لا الهستولوجى خلانى أقول آه يانى
يا ريت اللي جري ما كان 30

و سنة ورا التانية تعدى و نادرا ما تكون سادة
إلا لازم مادة أو مادتين تنشال لزوم التأكيد و زيادة الإفادة
يا ريت اللي جري ما كان 26

بقينا نندم و نقول يا ريت اللى جرى ما كان
كان مالها كلية البوسطة فى طنطا أنا اللى غلطان
و لا كلية حربية الأزهر بتوع مدفع الإفطار
أو حتى معهد دودة القطن و أطلع خولى أنفار
يا ريت اللي جري ما كان 50

فجأة و على حين غرة و احنا فى أمان الله
لقينا واحد بيجرى و بينضرب على قفاه
يا ريت اللي جري ما كان 06

سألنا مين العبيط ده قالو لنا الحقيقة المخيفة
ده دكتور من بتوع اليومين دول , عيال عاملين حريفة
نسى الفوطة فى بطن العيان و دى كانت جزاته
و أما يروح هيشوف أكتر من كده من حماته و مراته
علشان الكام ملطوش اللى بيسموه المرتب
هو ده جزاة الدكتور المحترم المؤدب
يا ريت اللي جري ما كان 17

لغاية كده و قلت خلاص كفاية
يا ريت اللي جري ما كان 23

أحسنلى أفتح مقلة لب و تبقى دى النهاية

تأليف: مى درويش

منقوووووول عن اروي قمحاوي

صدقت