رباعيات صلاح جاهين

سلام عليكم

ده موضوع هنقلكوا فيه من رباعيات صلاح جاهين الانا بحبها قوي
وطبعا حختار الحاجات المفهاش كلام مش ظريف

ف مرة صحيت م النوم شاعر بلمسة صفا
الهم زال.....والحزن راح ..........واختفي
خدني العجب.....وسالت روحي....!!!!!
هو انا مت....ولا وصلت للفلسفة.....؟!!!
....وعجبي
-----------------------------------------------------------------------------------------
ولدي نصحتك...لما صوتي اتنبح......
لا عمرك تخاف من جني.....ولا حتي من شبح
وان هب فيك عفريت قتيل اساله...............
ما دافعش ليه عن نفسه.....يوم ما اندبح.....
....وعجبي

فك غماك يا طور.....وارفض تلف.......
واكسر تروس ساقيتك...واشتم ...وتف
قال ..بس خطوة...وخطوةكمان.........
يا اوصل نهاية سكتي....يا البير يجف...
....وعجبي

أنا شاب ولكن عمري ولا ألف عام
وحيد .. و لكن بين ضلوعي زحام
خايف .. و لكن خوفي مني أنا
أخرس و لكن قلبي مليان كلام
عجبي!!

___
وانا في الضلام من غير شعاع يهتكه
أقف مكاني بخوف ولا اتركه
و لما يجي النور و اشوف الدروب
أحتار زياده أيهم أسلكه
عجبي!!

___
نظرت في الملكوت كتير و انشغلت
و بكل كلمة ليه و عشانيه سألت
أسأل سؤال الرد يرجع سؤال
أخرج و حيرتي أشد مما دخلت
عجبي!!

انا كل يوم اسمع...فلان عذبوه
اسرح فى بغداد والجزاير واتوه
مااعجبش م الى يطيق بجسمه العذاب!!
واعجب من الى يطيق يعذاب اخوه

انا قلبى كان شخشيخه اصبح جرس
جلجلت به صحيوا الخدم والحرس
انا المهرج...
قمتوا ليه خفتوا ليه!!!!!
لاف ايدى سيف ولا تحت منى فرس

الدنيا من غير ربيع ميتة
ورقه شجر ضعفانه ومتفتفتة
لأ يا جدع..غلطان...تأمل وشوفففف
زهر الشتا طالع فى عز الشتا

علي فكره كل رباعيه ليها معني ومغزي لليفهمها

حاولوا تفهموها
وكل واحد ممكن يفهمها بطريقه مختلفه
يلا اكملكوا بعدين

الرباعيه بتتكون من اربع اسطر (غالبا)
كلهم موزونين....الا التالت
الاول بداية الحدث...والتاني تعريف بالتفاصيل...اما التالت ف مفاجاه غير متوقعه
عشان الكلام ينتهي بالرابع اللي غالبا بيكون في شكل حكمه
وهي رباعية عشان اربع سطور او ابيات

باين عيكي يا أميرة بتحبيها قوي

لدرجة انك بتشرحيها

انا عارفها و قرات فيها كتير
و هي بالفعل جميله
و اجمل ما فيها البساطة
انها باسلوب
تحس انه غير متكلف في الكلام و مش صعب و لا محور

فعلا يا نيرو عندك حق بس الشرح ده انا نقلاه مكنتش اعرفه قبل كده

وديه بعض الرباعيات
يا باب أيا مقفول .. إمتى الدخول
صبرت ياما واللي يصبر ينول
دقيت سنين .. والرد يرجعلي: مين؟
ولو كنت عارف مين أنا .. كنت أقول
عجبي!!

دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!

حاسب من الاحزان و حاســــب لها
حاسب علي رقابيك من حبلــــها
راح تنتهي و لابد راح تنتهـــي
مش انتهت أحزان من قبلهــــــا؟
عجبي

!!

على بعد مليون ميل من ارضنا
من الفراغ الكوني بصيت انا
لا شفت فرق ما بين جبال او بحور
ولا شفت فرق ما بين عذاب او هنا
وعجبي
.............................................................................................
دخل الربيع يضحك لاقاني حزين
نده الربيع على اسمي لم قلت مين
حط الربيع ازهاره جنبي وراح
وايش تعمل الازهار للميتين
وعجبي

مركب ورق من نفخة تتطـــــــــوح

ركبتها و الكل بيــــــــــــــــلوح

سوحت فيها اتنين و خمسين سنــــه

للآن ..... و لا بتغرق و لا تـــــروح

عجبي

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي

خوض معركتها زي جدك ما خــــاض
صالب و قالب شفتك بامتـــــــــــعاض
هي كده...ما تنولش منها الأمـــــــل
غير بعض صد ورد ووجاع مخاض
عجبي

كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي

يــوم قـلت اه.. سمعـوني قــالو فـسد

ده كــان جدع قلبــه حديد و اتحســد

رديــت على اللايمــين انا وقـلت ..اه

لــو تعرفــوا معنـى زائيــر الاســـد

دى مــذكرات وكتبتـها من ســنين

فى نوتــه زرقــا لــون بــحورالحنــين

عــترت فيهــا.. رميتهــافى المهملات

وفلــت امــا صــحيح كــلام مخبـــولين

ازاي شبابنا يقوم وياخد دوره
من غير صراخ يئذيه ويجرح زوره
يا هلتري احسن يقعد ساكت
او ينترك ولو خرج عن طوره